سياسة الاسترجاع

سياسة الاسترجاع والاستبدال

في Seamless عايزينك تكوني مبسوطة باللي وصلك. الصفحة دي بتوضح بالظبط إزاي بيتم الاسترجاع والاستبدال ورد الفلوس وإلغاء الأوردر.

عايني الأوردر قبل ما تدفعي

افتحي الشنطة وعايني القطع قدام المندوب قبل ما تدفعي. لو الأوردر مش عاجبك، رجّعيه كله معاه في نفس اللحظة وتدفعي مصاريف الشحن بس.

الاستلام بيكون للأوردر كامل: يا تستلميه كله يا ترجّعيه كله. المندوب معاه قيمة الأوردر كاملة ومش بيقدر يستلم قطعة ويسيب قطعة. لو عايزة ترجّعي قطعة واحدة، استلمي الأوردر وابعتيلنا طلب استرجاع بعدها.

إزاي تطلبي استرجاع أو استبدال

ابعتيلنا واتساب على +20 155 775 5244. ده أسرع طريق وأول حاجة بنرد عليها.

وتقدري كمان تبعتي إيميل على sales@seamlesseg.com أو دايركت انستجرام @seamlesseg.

اكتبي الاسم بالكامل، رقم الموبايل، رقم الأوردر، القطع المطلوب استرجاعها أو استبدالها، والسبب.

المدة المتاحة

الاسترجاع: خلال 7 أيام من استلام الأوردر.

الاستبدال: خلال 14 يوم من استلام الأوردر.

حالة القطعة

لازم القطعة تكون من غير لبس، بالتيكت الأصلي، في العبوة الأصلية، ومن غير بقع أو ريحة أو تلف. القطع الملبوسة أو التالفة مش بتتقبل.

الاسترجاع خطوة بخطوة

1. تبعتي الطلب على واتساب أو الإيميل أو انستجرام، وإحنا نأكده لك مكتوب ومعاه المبلغ اللي هيتخصم مصاريف شحن بالظبط.

2. نظبط المندوب. بيستلم منك القطعة ومش بياخد أي فلوس عند الباب.

3. القطعة توصلنا ويتم فحصها، والخطوة دي بتاخد لحد 7 أيام من وقت الاستلام.

4. لو القطعة عدّت الفحص، الفلوس بتترد خلال 7 أيام.

رد الفلوس

فلوسك بترجعلك بنفس طريقة الدفع. لو دفعتي كاش عند الاستلام، بنحوّلها إنستاباي على الرقم اللي تديهولنا. ولو دفعتي بالكارت، بترجع على نفس الكارت.

مصاريف شحن الاسترجاع بتتخصم من المبلغ، وبتختلف حسب الأوردر الأصلي:

لو أوردرك كان توصيل مجاني، الخصم بيشمل رحلة التوصيل ليكي ورحلة الاستلام منك.

لو دفعتي مصاريف التوصيل، بيتخصم رحلة الاستلام منك بس.

لو القطعة فيها عيب، أو بعتنالك قطعة أو مقاس غلط، مش بيتخصم أي حاجة. الغلط غلطنا.

بنقولك المبلغ بالظبط مكتوب قبل ما نظبط المندوب.

الاستبدال

الاستبدال بيكلف مصاريف الشحن بس، ومفيش فرق في سعر القطعة. المندوب بيجيبلك المقاس أو اللون الجديد وياخد القديم في نفس الزيارة، وتقدري تفتحي وتعايني الجديد قبل ما تسلميه القديم.

لو الاسترجاع مااتقبلش

لو القطعة مااعدّتش الفحص، تقدري تستلميها تاني ومصاريف الشحن عليكي، أو تسيبيها عندنا.

إلغاء الأوردر

ابعتيلنا واتساب على +20 155 775 5244 بأسرع ما يمكن ومعاه رقم الأوردر. نقدر نلغي طالما الأوردر لسه عندنا، وده غالبًا في نفس يوم الطلب. بعد ما يخرج مع المندوب مش بنقدر نرجّعه، وساعتها متستلميهوش عند الباب: رجّعيه معاه وتدفعي مصاريف الشحن بس.

راجعي كمان سياسة الشحن والتوصيل.