الأسئلة الشائعة
كل اللي محتاجة تعرفيه قبل ما تطلبي من Seamless: التوصيل، الدفع، الاسترجاع، والمقاسات. لسه عندك سؤال؟ ابعتيلنا واتساب في أي وقت.
التوصيل بياخد قد إيه؟
بنجهّز الأوردر في يوم لـ يومين شغل، والتوصيل لأي مكان في مصر بياخد من ٣ لـ ٥ أيام شغل حسب منطقتك. أول ما الأوردر يتشحن، هيوصلك رقم تتبع برسالة أو على الإيميل.
الشحن بكام؟
مصاريف الشحن بتتحسب في صفحة الدفع حسب منطقتك، والتوصيل مجاني لأي أوردر فوق ١٥٠٠ جنيه.
في دفع عند الاستلام؟
أيوه. تقدري تدفعي كاش وقت ما الأوردر يوصلك. بنأكد كل أوردر معاكي بمكالمة أو واتساب قبل الشحن، وبتدفعي المبلغ كامل شامل مصاريف التوصيل للمندوب عند الاستلام.
أقدر أفتح الأوردر وأعاين قبل ما أدفع؟
طبعًا. افتحي الباكدج وعايني القطع قدام المندوب، ولو مش عاجبك رجّعي الأوردر معاه وهتدفعي مصاريف الشحن بس.
سياسة الاسترجاع والاستبدال إيه؟
الاسترجاع خلال ٧ أيام من الاستلام، والاستبدال خلال ١٤ يوم. لازم القطعة تكون من غير لبس، بالتيكت، في العبوة الأصلية، ومن غير بقع أو ريحة. مصاريف الشحن بتكون على العميلة في الاسترجاع والاستبدال. قدّمي الطلب من الفورم على الموقع أو دايركت انستجرام (@seamlesseg).
الفلوس بترجع إزاي؟
بعد ما تبعتي طلب الاسترجاع، مندوب بيستلم القطعة مع معاينة أولية سريعة بالفيديو. القطعة بترجع لمخزننا (لحد ٧ أيام)، وبعد الفحص النهائي لو اتقبل الاسترجاع، فلوسك بتترد عن طريق إنستاباي خلال ٧ أيام كحد أقصى.
أقدر ألغي أو أعدّل الأوردر؟
تقدري تلغي خلال ١٢ ساعة من الطلب طالما الأوردر لسه ما اتشحنش، من فورم الإلغاء أو الإيميل أو دايركت انستجرام. ولو عايزة تغيّري مقاس أو لون أو العنوان قبل الشحن، ابعتيلنا واتساب وهنظبطهالك على طول.
الخامة إيه؟
كل قطعنا معمولة من SeamSoft™، خامة القطن الناعمة بتاعتنا: بتتنفس، فيها مطاطية خفيفة، ومريحة طول اليوم. والتوبات الأساسية دبل لير، يعني مش بتشف خالص.
أعرف مقاسي إزاي؟
هتلاقي جدول مقاسات مفصّل وأداة Size Finder على صفحات المنتجات، بتقترحلك مقاسك من قياساتك. لو محتارة بين مقاسين، ابعتيلنا واتساب وهنساعدك تختاري.
أتواصل معاكم إزاي؟
واتساب أو موبايل: +20 155 775 5244 · إيميل: sales@seamlesseg.com · انستجرام: @seamlesseg. موجودين نساعدك في المقاسات والأوردرات وأي حاجة تانية.